يا اللي قتلتم باسم الدين
أغلي أخواتنا المسيحيين
كبار أطفال
مٓسنين وحريم
وصغار لسه بتتعلم
ايه يعني معني التسليم
وطفل بريء لسه بيتكلم
محتاج لقلب أمين وحنين
ربنا أبداً ما كان في صفاته
قتل لقاسي أو مسكين
ربنا وصانا في كتابه
أدخلوا مصر
يا ناس أمنيين
مين قالك اقتل واتهنا
مين قالك اقتل
تدخل جنه
مين قالك اقتل مسلم
أو حنا
ربنا في كتابه أوحالنا
إننا كلنا بني أدمين
مين قالك اقتل وتفاخر
مين قالك اخرج واتظاهر
مين قالك فجر نفسك
جوه الدير أو جوه المسجد
أو جوه كنيسه
بيذكر فيها الدين
لو كنت صحيح دخلت الجنه
تعالي قوام واحكيلنا
هو صحيح قابلوك
حور عين
وإنك متجوز سبعين
دا اللي بيقتل
روح واحده
في سوره المائده
كأنه قتل
كل العايشين
يا اللي قتلتم باسم الدين
أحلي أخواتنا المسيحيين
