أحلفلك بإيه
 
 
أحلفلك بإيه                    و تصدق بإيه
أحلفلك بعمري                 ده إن مر عمري
عشانك يا عمري             مش ح أندم عليه
 
يصعب عليُ منك              لكن مفيش خصام
و إزاي أقدر أخاصمك       حبي حمامه سلام
و مهما قالوا عنك            ما صدقش الكلام
و القلب لو يعاتبك             العين إزاي تنام
أحلفلك بإيه                    و تصدق بإيه
أحلفلك بعمري                 ده إن مر عمري
عشانك يا عمري             مش ح أندم عليه
 
 
العمر معاك قسمته           سنين فرح و ثواني خوف
و ربيعي معاك رسمته       أفراح زينه و دفوف
و حبي لو وصفته             منين أجيب حروف
لا شفت أعز منك             و لا قلبي راح يشوف
أحلفلك بإيه                    و تصدق بإيه
أحلفلك بعمري                 ده إن مر عمري
عشانك يا عمري             مش ح أندم عليه
 
بالحب أنت روحي             تعندو أنا اللي أسامح
و بكلمه حلوه أنسي          و بكلمه حلوه أصالح
من غير جنسيه حبي         و كمان ملوش مصالح
لسه عايزني أحلف           و أوعد و أقدر أخلف !
أحلفلك بإيه                    و تصدق بإيه
أحلفلك بعمري                 ده إن مر عمري
عشانك يا عمري             مش ح أندم عليه