حىىىىىىىىىىب و غربه
 
ياللي ف الغربه تنادي
فين بلادي
فين بلادي
فين الحضره و البيت
فين الخضره و الوادي
ياللي ف الغربه تنادي
فين بلادي
فين ولادي
ليه تطاطي
لواحد عالي أو واطي
ليه تكابر
ليه تعاند
مادام ع الغربه مش راضي
 
ايه أخدت م الغربه
غير الكربه
غير الغربه
البعد عن مصر النيل
الأرض  و التربه
أيه جنيت .. غير الأحزان
و فرقه الأهل و الخöلاُن
غير ليل طويل .. تقيل
عمرك ما نمته نعسان
 
ليه تعرف عن الأهل أخبار
من هاتف أو شاشات أقمار
من سطور بارده
تزيد .. سجن الغربه أسوار
إن كان للعلم و الخبره
فأهلاً بالغربه و العبره
و أن كان للنجاح ف المال
إحذر .. سم الأفعي و الكوبرا
 
ليه تتوه بين الأصل و الصوره
بين كلمات جوفاء
و اخري مأثوره
مش كل ما يلمع دهب
و لا كل ما يلمع ...
تتوه فيه العين زايغه
مبهوره
و لا كل طير في السماء
كان في الأصل عصفوره
 
ليه تبوح بشكواك و أسرارك
لواحد داره غير دارك
بجمع القرش محموم
ساكن جنبك و مش جارك
تخافه ..
خوف الطفل م الظلمُه
و إحنا اللي خدنا ع الْلمُه
مع أي قريب ..
و لاُ غريب ..
مع إبن العم و العْمه
 
تعالي ...
إزرع الأرض بالخير
لكل الأهل و الغير
لجل تطرح حب و موُده
بسرعه أهجر الغربه يا طير
وفوت ...
صداع الديسكو و الزنُه
دموع الفرقُه و الأنُْه
دي مصر الفرح و الحنöه
دي مصر الشمس و الحضن
دي مصر حتöه م الجنه