فى حرب جوايا
موش قادر اتكلم
الدمعة ساكنانى
والبسمة بتسلم
الحزن له ولاده
والفرح متيتم
سؤالى بقى عادة
مع مين راح اتكلم ؟
سؤالى دا حير
ملاين بتتألم
لا كبير ولا صغير
له نفس يتكلم
ومين يشيل همى
دى الدنيا بتعلم
نفسى ورى نفسى
والباقى ع حظة يبكى ويتندم
***
اعذرونى يا اخونا
احساسي دا موش يأس
بس الزمن غير
الناس مبقتش تحس
الناس بقت غاوية
الفرحة ويا الرقص
لكن الحزين توبة
الغم ويا النحس
سمحونى يا اصحابى
كلامى دا يتحس
احاسيس تزعلكم
وممكن تقولولى اخس
هى الحقيقة تقيلة
توجع ف الناس بس
يا بخت من بكانى
ونصحنى و حس
ولا ضحكنى فى ليلة
اصبح بايت ف الحبس
