************************** يالى عنيكى سر جمالك .. يالى النظرة سحر دلالك رسمك وصفك راحة بالك ..يطمنو قلبى ليل ونهار ************************** نفسي تحسي فى يوم بهوايا .. نفسى فى مره تكونى معايا حبك هنا ساكن جوايا ..يا شمس حياتى واحلى نهار امتى تحسى امتى تفوقى .. امتى لطعم الحب تدوقى قبل القلب ما ييأس قولى ..قلبى انا حبك وخلاص اختار الايام عماله تعدى .. والدنيا بتاخد وبتدي بس ياريت طريقنا دا يهدى .. لسكة جنة موش للنار انا موش قادر اعيش فى عذاب .. نفسى أعيش زى الاحباب قلبى يا عمرى لسه شباب .. نفسه يكمل المشوار ************************** يالى عنيكى سر جمالك .. يالى النظرة سحر دلالك رسمك وصفك راحة بالك ..يطمنو قلبى ليل ونهار ************************** انا خايف لــ العمر يضيع .. قبل الدنيا ما تبقى ربيع امتى هقول للدنيا وازيع .. ان انا عاشقك انى بحبك عمال احلم وبزيد شوق .. وارفع عينى وابص لفوق وادعى الله يرحم مخلوق .. كل مناه يسكن قلبك انا والله ما طلبى كبير ..ولا عايز من الدنيا كتير نفسى اكون من حقى اغير ..وافضل عايش عمرى دا جنبك مهما بتبعدى مهما تطوفى .. ومهما بعادك يزرع خوفي منين ما بتيجى منين ما تروحي .. قلبى انا حبك قلبى انا حسك ************************** يالى عنيكى سر جمالك .. يالى النظرة سحر دلالك رسمك وصفك راحة بالك ..يطمنو قلبى ليل ونهار ************************** مره تعدى وتغمزى غمزه.. ومرة تبصى وتهمسى همسه طيب ليه بس القسوه .. انا مستغرب من دا الحال مرة تلينى ومره تشدى .. مره تبينى .مره تخبى انتى بتكرهى ولا تحبى ..انا عايش محتار البال انا موش عارف انا حيران ..انا عاشق وكمان ولهان هفضل عايش فى الاحزان ..امتى الفرح يكون ميال الشباك قدام شباكك .. وانا قصدك فعلا من بابك امتى هتأذنى لأغلى أحبابك ..ولا انا بحلم حلم خيال ************************** يالى عنيكى سر جمالك .. يالى النظرة سحر دلالك رسمك وصفك راحة بالك ..يطمنو قلبى ليل ونهار ****************************
