المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
اوعاك تثور
للشاعر محمد الكاجوجى

اوعاك تثور...
ماعادتش تنفع ثورتك...بينك وبين الحق مليون الف سور
اوعاك تثور...
واحلم ببكره زينا...يمكن ليالى الظلم ترحل أو تغور
أوقات كتيره بينحصر بينا الشيطان وبنهزمه
والظلم راكب ع القلوب من تانى صعب نحزمه
اوعاك تثور...
ماعادتش تنفع ثورتك...بينك وبين الحق مليون ألف سور
تتحدى مين...؟
تتحدى خوفك ولا تتحدى الطوفان...؟
تتحدى سيف القهر أو غدر الزمان...؟
أنا مش جبان..
أنا بس عايش جوه خوف مبينتهيش .
علشان أعيش....!!!
اوعاك تثور..؟
وخليك كده زى ما كان أيوب زمان راضى وصبور..
قبلك كتير اتمردوا واتشردوا ف وسط الطريق...؟
كان حلمهم زيك كده...كان قلبهم صافى وبرئ...؟
اوعاك تثور...واوعاك تقول انك جرئ...؟
واوعى الغرور...؟
ممكن فى لحظه تلافى نفسك جوه جحر من الجحور...؟
أو عضم تايه فى القبور...؟
اوعاك تثور...واحلم ببكره زينا
يمكن ليالي الظلم ترحل أو تغور...؟
كل الوجوه اتغيرت...واحنا كمان...لازم نغير نفسنا...او لبسنا...نهرب لدنيا فيها ننسى نفسنا...؟
ونعيش فى جحر من الجحور...وياريت يكون فى الجحر نور
وساعتها مش ممكن نثور...؟
اوعاك تثور...؟
خايف عليك من غدرهم ..
من ظلمهم ..
من أمر صادر م القصور ....؟
أو م التعالب والنسور.....؟
اوعاك تثور ..؟
يمكن يجيلك يوم تشوف فيه الهنا.
واحنا كمان نرمى ورانا المسكنه.
خليك هنا
واوعاك تسيبنا لوحدنا..؟
ده انت الوحيد اللى مالينا بالأمل .
وانت الوحيد اللى انضرب بيك المثل ..
علشان بطل.
اوعاك تثور..
واذا كان حتاخدك عزتك أو جرأتك ونويت تثور...؟
خليك بعيد...
لا نعرفك
ولا عمرنا شفناك على مر الدهور...؟
وان حد سأك عننا...؟
اوعاك تقوله اسمنا...؟
انت لاعمرك شفتنا...؟
ولا زرتنا جوه الجحور...؟
اوعاك تثور...ماعادتش تنفع ثورتك...
بينك وبين الحق مليون ألف سور...
اوعاك تثور...
واستنى ويانا الأمل ...يمكن يحقق حلمنا ونعيش هنا لحظة عبور...؟
واوعاك تثور.

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد