للشاعر
Bahjat MacDashe
يا رب , راح كل اللي لينا
وشمتوا العدوين فينا
يا رب راضي بحكمك وكل اللي قسمتوا لينا
المهم رضاك ورضا والدينا
يا رب أنا راضي بكل اللي كتبته علينا
بس يا رب تكتبلي بنتي الغاليه الثمينا
يارب مهما طال الزمن المهم يجي يوم وترجع ياسمينا
يا رب رجع احبابنا رجعهم لينا
وفرج الهموم وهون علينا
وساعة الضعف قوينا
وساعدنا نكون اقوي من نفسينا
وماتسبهاش تتحكم فينا
نجينا يا رب ,بقدرتك نجينا
من البعد و القهرو الناس اللي فارسينا
والسفر في بلاد واسعه من غير مينا
نجينا يا رب , برحمتك نجينا
من النار اللي حتشوينا
بذنوبنا واطماعنا ومعاصينا
واكتبلنا الجنه نعيش فيها ونقول ادينا نجينا
تعوض صبرنا و تنسينا مآسينا
بس حاجه واحدة قبل مااختم واقول اللهم آمينا
دنيا واخره أنا عاوز بنتي ياسمينا
يا رب تجمعنا وتوفق مساعينا
يا رب ماتكسفنيش وترد دعواتي خائبينا
يا رب امين يا رب العالمينا
|