نهار مصر
الميدان شاهد عيان             شعر/يوسف العشماوى
الصوره
ياصاحبى بكافه الالون
الصوره
ياعمنا بالف الف لسان
ادى اليمام
ادى الحمام
ادى
عصافير الكناريا بطفش الغربان
...
شربوا الكلاب
دم البلد
وفوق لحمها
وقفوا يرقصوا رقصة المساطيل
الليــل يابلدنــا كــان طويـــل
والحِِمل
فوق صدرنــا صعـب وتقيـل
لكن ياصاحبى
غمة وانزاحت
مصرنا ارتاحت
من كدابين الزفه والتهليل

للميدان كله صفا
للميــــــدان كلـــــه انتبـــاه
من قلب
قلــب المـوت بتخرج حيــاه
صاحبى
يالى انت واقف فى صفى
يالى انت كتفك فى كتفى
لسانا من ساعات
متـــعرفيــــن علـى بعــــض
لو يجرحوك
دمــى يسيـــل ع الارض
لو يقتلوك
يقــــف فى صــدرى النبض
...
كتبا ويا الشمس
معــــــاهده صــــلح من تــــانى
وادى النهار الجى
جايب
فى حضنه الضى
نهار بحق وحقيق
صــــــــــــــــادق وحقـــــــــانى
نهار مالوش فى اللوع
ولا الزواق المصطنع
نهـــــــــــار حلاوتــــــــه ربــــانى
...
ياام الشهيد
لملـــــــــمى جرحــــــــــــك
فرح البد دى
فى يوم العيد
حتـــــــه مــــن فرحــــــــــــك
من بين
الوف الناس
بعيونـــى انــــا لامحــــــــــــــك
بتصلى
ركعتين شكر للخالق
وجميع سحابات الرضا
باينـــــــــــه فى ملامحـــــــــــــك
...