إللي تحدتـه الظـروف يصيـر وإلا مايصيـر
دنيـاه لاولّت..تحـده كـل بـابٍ يقـرعـه
أما طلع مع من طلع وإلا غـدا حبلـه قصيـر
إليـا دلـى بدلاه..ماتسمـع يكـود القرقعـه
وحنا هممنا مايهبطهـا عنّـآ الحيـد العسيـر
إليـا طلبنـا عالـي القمـة هوآنـا نتبـعـه
المستحيل يقاس في قاموسنـا الشـي اليسيـر
وكذاب من قال الزمن لن كان ماطاعك طعـه
إلا يطيعك لاعرفت أن القليل أصـل الكثيـر
وأن البشر ماهم سوآ..فيـه الذكي..والأمعـه
وإن الهمم في كل وقت تسيّـر إللـي مآيسيـر
وإن الفتـى لابـد مآأقداره..بحضـه تجمـعـه
من الذكاء إليا قدرت تعيش بحسـاس الفقيـر
لن الفقير يقـدر الحاجـة ويعـرف وش معـه
مآكل من حاول يرد يآرد علـى العـد الغزيـر
كثيـر منّـا مقتنـع بأشيـاء ماهـي مقنعـه
من الحماقة أن تُقـاد وأنـت فالواقـع بصيـر
تبقى المصاعب بعـد ماتُجتاز..ذكـرى ممتعـه
فكرة حصادك قبلها فكـرة لهـا معنـى مثيـر
تنص أنك قبـل تحصـد شي..ابـدا وأزرعـه
تفائلك لامن بديـت فـدرب تآصـل للأخيـر
يعكس ثقافة شخص له مبـدأ وهمـة مبدعـه
وتبقى الهمم في كل وقت تسير إللـي مايسـر
وكذآآب..من قال :الزمن لن كان ماطاعك طعه