علمنـي أكرهـك ! وإلا خلنـي أحبّـك
لاعـاد تشـره علـي ..ولاتكلـف   لـي
ياخي ليا كان جرحـي سبتـه   طبّـك   !!
ليـه الهدايـا علـى شانك..تغلـف لــي
إن كان ذنبـي هـواك ! المغفـرة   ذنبّـك
وإن كان بُعدي (مُريح) فـ\ بعدك انصف لي
ماهو غريب الحطب ! فيني وأنـا   احطبّـك
مادمت فـاس المشاعـر ! لاتقصـف   لـي
لو إنك النار \ شفـت أنفاسـي   تشبّـك
ماهو بكيفي ! أحس بنـارك الطـف   لـي
ولو إنك الريـح \شفـت أهاتـي تهبّـك
ولو كنت دربي ! مشيتـك لاتوصـف لـي
شوف أمهات المشاعـر ! جـات تخطبّـك
حتى المنابـر ! مـن إيحائـك تصفـف لـي
ياملهمـي شوفنـي \أقـراك وأكتـبّـك
وأكتبك وأقراك \ وشعورك تصلـف   لـي
حتى بيـوت الشعـر !   تُبنـى   وتنصبّـك
وفنجال دلتك \ شفـي ..ماتصنـف لـي
وش حيلتي يوم شوقـي   فالحشـا   صبّـك
حلفـت ماأشربـك ! لكنـه تحلـف لـي
 
يلعب بي الشوق \ وأنـت الصـد يلعبّـك
تخطي ولعيونك \ أشواقـي تأسـف   لـي
غريب وأنتـه وطـن !أشرقـك وأغربّـك
أجيك كلي نظـر \ وأنتـه تكفـف   لـي
أحيان من زود مابي   \امدحـك   واسبّـك
وأنساك حتى تجـي الذكـرى تلقـف لـي
أشبع بذكراك !وأضمـى بُعـد   وأشربّـك
وأحفر لقربك \ونبع الوصل ينشـف   لـي
حتى قشورك \ بهـا مـن   كبّريـا   لبّـك
لنّك معي!! بـس محتاجـك تعطّـف   لـي
يحـق للـورد \ يآمـن بـك وينهـبّـك
ريـآن !!! لكـن لاجيتـه يجفـف لــي
يافاكهة جنتـي ! فـوق إخضـرار   أبّـك
أنا زرعتـك ومحصولـك (يطفـف   لـي)
لاتبخـس حقوقـي ! الله ربـي وربّــك
ولاتبتسم لي ! وفـي صـدرك تأفـف لـي