على فتات التعب جيـت أنشـد الراحـه وأثـرك تحسبنـي أنعـم فـي ملذاتـي \\ لو يمسح “الْهـم” يابـن النـاس مساحـه ماشفـت كـل الهمـوم تقيّـد جهـاتـي \\ ياغصـن مثنـي تدلـت منـه تفـاحـه منتـه بمجبـور تؤمـن فـي قناعاتـي \\ أنـا تربيـت صقـر يقـلـه جنـاحـه عـن كـل هيّـن تعوضنـي سماواتـي \\ مافيه مخلوق، … سالم حرقـة جراحـه وأنا علـى الطيّـب. تكفينـي علاقاتـي \\ شاعر وحظي قفل!.. ضيعـت مفتاحـه حاول مابيـن النقـط ..تمـلا فراغاتـي \\ ماجيتك أكتب شعـوري لجـل تجتاحـه ولارسمتك وطـن … لعيـون راحاتـي \\ شف راس مال التعب، وأنته لك أرباحـه أقراني سطور شعر……..، وردد أبياتي \\ لاضاق صدر العشم مـن قلـة أفراحـه أوقد شموع الحـزن فبطـون راحاتـي \\ أنا بحر ما أتفق موجه مـع رياحـه..! شف “دافع” الموج وأفهـم وش معاناتـي \\ فيني الدقايـق علـى “الهقـوات” ذباحـه الله يـا كثـر مـا “كفنـت” هقـواتـي \\ لا تحسب إني ظلام… أزعجه مصباحه أنا ظلامي ” هتـك حاجـب خرافاتـي” \\ ليه العجب ! لا هدانـي ليلـي وشاحـه الليـل ماصـد وجهـه عـن مناجاتـي \\ ضايق وفيني “التعب” ماتخطي إرماحـه ولولا “الأمل” ما فتقت حلـوق شرهاتـي \\ وإللي أنكسر من زمانه يصعب إصلاحـه وأنا كسرني زمانـي عـن طموحاتـي \\ يسترني “الهم” وأخشى زومـة إفصاحـه ويلبْس متوني أكبـر مـن مقاساتـي..! \\ بالمختصر كان لـك عينيـن لمْاحـه..! لاشفتنـي ألثـم حروفـي مـن سكاتـي \\ كفني أطراف حلمـي وألجـم صياحـه وعلـم مـن يمـر لاياطـى مساحاتـي \\ علمهم إنـي فرشـت الأرض طراحـه وعلمهـم إنـي تدثـرنـي سمـواتـي \\ وإن كان ذنب الرضى التقصير ماباحـه على شفـا الأسئلة..هـاذي إجاباتـي.؟ \\ أنا رمانـي “خطـأ التأويـل” بسلاحـه وأوقد من ظلال \ غآياتـي \ عداواتـي \\ غريب كفّـن خـرز وخيـوط مسباحـه وعلى رصيفه….تعشم….. للفرج ياتـي
