آه صريحــــــــــــــــــــــــــــــة مرهونه أحلام الغلابه بكام رغيف على قدها وهدوم بتستر عرضها من خسة الجوع والسنين وحيفان فرح كان لسه ساكن فوق شفايف دبلانين والباقى من عرق العنين والخوف ملازم قلبهم.......... من غلبهم ....ما بيعرفوش غير الانين متبحترين جوه الوجع بين الرحايه والبيوت معمول حسابهم فى السكوت ما فيهومش حد اختار يموت شيلّاه يا سيدنا العنكبوت ما بقاش حيلتهم غير أسامى عاشت اسامى ماتت أسامى عشاق أغانى لانكسار والذل مبقاش فى حيطه فى الزمن ده تبقى سنده وليها ضل وماعادش غير سوس الخلايق والغراب ، بينادى حىّ على الخراب ليه عشمانين المر يولد غير مرار ليه لسه فاكرين الحمار بيجيب اسد الحمار هيجيب حمار ليه لسه غاويين الحصار ليه لسه هتفاوضوا التتار ليه لسه مش قادرين تقولوا الآه آه آه آه صريحه يتولد فيها النهار يتولد بيها النهار يتولد ليها النهار
