ما كانش يملك من حياته الا شوية ذكريات
الذكريات دى هيه اللى قدر يجمعها
طول42 سنه
كانت تسليته الوحيدة
بين الصحاب ..
ع القهوة..
فى الشغل.....
كان مابيصدق تيجى فرصة يحكى فيها
فيقول ....
يقعد يسرد فى حكايات طول الوقت
فجأة
طقة فى دماغه انه يكتب الذكريات دى
بعد ما اصحابه اتسرسبو من حواليه
واحد ورى التانى
عشان مشاغل الحياة ..
الجواز ،
عدم الفضا ، ..
أسباب كتير قدروا يقنعوا بيها نفسهم
عشان يسبوه وحيد ..!
وهوه فى كل ده
كان بيلتمسلهم العذر
ولما حب يكتب ذكرياته عنهم
وعن حياته ..
إكتشف انه مش فاكر أى حاجه ...!
حسام الحداد