فارقنى المحبوب رحل ... وخلاها الدمعة فى عينى
مالقيتش لغيابه حل ... يتباعد ماعاد يجينى
يحساب فبعده ننساه ... والله نتهنى من غيره
مايحساب انى نهواه ... وقلبى من الفرقة كاوينى
فارقنى المحبوب رحل



فارقنى مش عارف وين ... سافر خلانى لهمومى
مالدمعه والجرح حزين ... والشوق اللى طول يومى
مش لاقى من بعده صبر ... يتحمل فى ابعاده عنى
تقول واقف حافى عالجمر ... راجيته وهو هاجرنى
فارقنى المحبوب رحل


فارقنى ماعرفت اسبابه... اللى خلاته يبعد عنى
وشنهى تبقى ظروف غيابه ... وبالهاتف مابيكلمنى
لارسالة من نقاله ... نتطمن بيها عن حاله
ناسينى مانى فى باله ... زايدنى حيرة وشاغلنى
فارقنى المحبوب رحل

 

فارقنى المحبوب رحل ... وخلاها الدمعة فى عينى
مالقيتش لغيابه حل ... يتباعد ماعاد يجينى
يحساب فبعده ننساه ... والله نتهنى من غيره
مايحساب انى نهواه ... وقلبى مالفرقة كاوينى
فارقنى المحبوب رحل