نقول فى القصيدة :-

معقولة تبعد ياغالى ... وماتدزش حتى مرسال

تخبرنى عن حالك فيه... تطمنى ويروق البال

مخلينى بعدك مشغول ... صابر ماعنديش حلول

قلبى مالفرقة معلول ... مداير من حزنه موال



معقولة تنسى غاليك ... وتبعد ماتبينى انجيك

باعدت عليا مرافيك ... وبيش نوصل عندك موحال

معقولة ماتسأل عنى ... ولاتدز جواب يطمنى

تحسابه بالى متهنى .... أوجاعى تساطر مازال



معقولة تقوللى ننساك ... شاقى وانت يزيد هناك

وقلبى اللى يتمنى رضاك ... يتوجع ماعنه تسال

مجافيه وخليته وراك ... تكافيه بقسوة وهلاك

وهو راسملك شكل ملاك ... ونجمة تعلى ماتنطال



معقولة تبعد ياغالى ... وماتدزش حتى مرسال ؟؟