عزيز النفس حتى لو مادامت إلي دنياي.
اكون فيها خيال وشهم بوسط الصحارى.
وما تهزني صراخ الفرس عند عبور الماي.
أنا احمل الفرس لي خاف وأكون له عباره.
وتلتقي رجال برجال والسيوف والرماي.
يرمي سهامه علي وتصدها جدمي بغباره.
وتشوف الناس تصرخ وتقول وا نجداي.
وين اهل الهمة ورجال الجبر جبور القياره.
وين اهل الدليم اخوت وضحة وأهل الطائي.
وين رجال اللي بحلومكهم ما تدخل سكاره
هذي بغداد تنخاكم يا عرب تصرخ لوعاي.
والموصل تنادي يا اهل ال البيت الطهارة.
دنسوني جيوش الكفر ودنسوا سماي.
ودخلوا من كل جانب مدرعات وطياره.
ليش البصره تبكي وتلهف مثل الرعاي.
مثل اليتيمة ومستأنسين الغدر وأهل القذاره.
لاتفرحون طراها ايام واتعود إلنا هاي.
بغداد ام الأبطال ورجالها ارجال غياره.
ولاتنسون الثأر لازم نرده والزمن طواي.
يطوي النذل بالنذل والرجوله تصير تجاره.
،،،،،،عمار،،،،،،،