كان حلمنا أكبر
يمشى و يتمختر
بين الملوك يكتب
و عمره ما يكدب
كنا احنا و العاشقين
فوق السحاب طايرين
نجرى ما نتعبشي
نعشق ما نشبعشي
و نقول كمان يا زمان
كنا صحيح يا زمان
كان حلمنا أكبر
كان حلمنا نكبر
نكسب و لا نخسر
نسهر مع الروايات
نسمع يا ليل حكايات
و البسمة نرويها
بالحب نحميها
و الساعة مهما تدور
تطرح قلوبنا زهور
و نقول كمان يا زمان
كنا صحيح يا زمان
كان حلمنا أكبر
كان حلمنا ساكن
فوق السحاب لكن
نقدر نطير وياه
و نقول غناوى معاه
و اللحن من قلبنا
يعزف مع حبنا
تسبقنا أيامنا
تلحقها أحلامنا
و نقول كمان يا زمان
كنا صحيح يا زمان
كان حلمنا أكبر
كان حلمنا فارس
بيقول و بيمارس
كان حلمنا فكره
كان حلمنا بذره
قلوبنا ليها جذور
و عقولنا ليها زهور
مهما الزمان حيطول
تفضل ربيع لعى طول
و نقول كمان يا زمان
كنا صحيح يا زمان
كان حلمنا أكبر
كان حلمنا صغيور .. ..
لكن بلون النور
كان حلمنا كلمة
كان حلمنا حكمه
بتعيش ف قلب الناس
و بتطرح الإحساس
يملا الوجود مغنى
تنبض مع المعنى
و نقول كمان يا زمان
كنا صحيح يا زمان
كان حلمنا أكبر