فين الكلام راح فين سيبي الكلام ده حنين فوتى البحور دى انين مدى الايدين فى الحين تلقى الشموس فايحين ريحة امان وحنين اشمعنى انا أشمعنى أنا الكلمة قتلت فى الغنا قالت عيون مـتألمة أشمعنى انا بالرفض باحت والشموع فجأة انطفت بالرفض باحت والكلام على طول سكت بالرفض باحت والنجوم فيا انكفت بالرفض باحت وأتغربت احزانى جوايا اشمعنى انا شايف النهار ليه الهروب والانتظار الخوف مرار ليه الهروب والانكسار انا قلبى دار ليه الهروب تحت الليالى فــ المطر انا قلبى دار شايف نهار جوة العيون السود ونار قايدة لخاطرك لجل ما تحسى الشتا وتحسى جوايا بدفا اشمعنى انا حسيت فـ قلبك بالدفا دلوقتى ليه حاسس جفا شقى الجفا شوفى النهار ليه الهروب تحت الليالى فى المطر انا قلبى دار مدى ايديكى للربيع مدى ايديكى واحضنيني واحضنى الاحساس معايا وكونى دار كونى الدفا كونى النهار وماتقوليش اشمعنى انا