• كملت 18 سنة شهر 10 اللي فات
• لفيت وفرحت و اتنطت بالساعات
• بعدين فكرت ف اللي قبلي و اللي مات
• ماهو كان 18 ف وقت م الأوقات
• هي الدنيا دي أصلا ايه؟
• ما هي محطة م المحطات
• بس بنقف و نخلص فيها...
• و لا يدوبك بنعدي عليها؟
• ساعات حلوة بتيجي و ساعات بتفوت
• بنزعل ع اللي فات و ف دماغنا دايما منحوت
• بس ايه الفايدة لما احنا كده كده هنموت؟


• و الشاب لسه صغير و بشبابه فرحان
• أصل الموت يا خال بييجي ف أي زمان
• و يا ريت في فايدة لما يبقى ندمان
• ما خلاص يا عم إتكلت
• و انت مقضيها تنفيض
• و تفرح و تقول دا سن التنطيط
• يا عم اعقل و ارجع
• دي الدنيا ياد يا عبيط
• بوشين...مره تخدك ف حضنها
• و مره تسكعك ف الحيط
فرحان على إيه يا مدهول ؟
دي الدنيا مبقاش فيها خير
و الموت ده أصله أحول
مابيفرقش بين صغير و كبير