المهمة و الأهــــــــــــــــــــــــم
 
مش مهم يموت شاويش أو جاويش
و لا زهرة فــــ الربيع
مش مهم يموت صنم
و يموت هرم
و لا ندبح الرضيع
المهم نكون سوا لحظة هوا
متربعين و مفرفشين
*****
المهمة و الأهم
ان احنا نكون أهم
هى دى لب القضية !!
مش مهم يدوب حجر لسه الصخر
فــــ قلوبنا يطرح
بالقضية غيرنا يسرح
******
مش مهم النار تزيد أو حديد ياكل حديد
مش مهم تكون خسارة ......
مش مهم تموت حضارة
المهمة و الشطارة ان احنا و السكارى
نكون نقابة ...
تكون رقابة
تحصى مين خالف هوانا ؟!
******
مش مهم القدس تصرخ للمجيد
و لا نسوانا الحوارى تكون جوارى للعبيد
المهم يكون يا غالى صوتنا عالى
يوصف و يشجب...
أرقام و يكتب
نسهر و نحسب
عدد الضحايا و رصيدنا كام