حث قلبك الشاعرة القطرية العنود سعود يا دموع اللي بكى لي يستغيث كيف انا بنصف دموعك والقهر اشتكي لله سامعنا ومغيث ينصرك يارب على جور البشر تفنى هالدنيا ولا إلها وريث غير سبحانه وسبحانه أمر حث قلبك يالغلا دايم حثيث خل ايمانك سلاحك وانتصر دنيا تتخلط بسمنٍ مع غثيث ليه مستغرب ولاتسوى الكدر ضاع كل طيب تساوى بالخبيث والله يرحمنا بوقفات الحشر حارثٍ يحرث ولايبقى حريث كل زرعه يموت في لمحة بصر و واحدٍ يا كم وتسمع له لهيث يركض بسرعه يلاحق هالعمر إن ركض والا تمهل يستريث قدم الخطوه وساعه انتظر بكره هالجثه بتنزل مع جثيث تنزل وتسكن بظلمة هالقبر الله سبحانه ذكرها بالحديث بيتقرب باع إتقرب شبر وشوف ربي كيف سبحانه يغيث يغسل همومك ولو كانت بحر