عايزة أكتب و مش عارفة نفسي أخرج كل حاجة جوا قلبي عاملة زفة عايزة أعبر أو أفجر كل طاقة و كل حاسة كل صرخة أو حتى همسة مخلياني لسه شايفة نفسي أطلع من سكاتي من هروبي و من سباتي نفسي أنده لكل فكرة بتعاتبني و كل ذكرى بس مش هقدر بنظرة...أصلي فعلاً واخدة إعفى واخدة إعفى من الكلام من التفكير و مِالأحلام واخدة إعفى من النهار مالمفاوضة و مالقرار حتى لو جوايا نار...المرة دي بجد آسفة و برضُه مش هعبر...مش هفجر و لا هفكر مش هعدل فالعقيدة و في الطريقة ولا هغير و إن جاتلي فرصة فيوم أحرّر هقول حاولت مرة و أكتر...صدقوني واخدة إعفى