يـَـا رَبِيـْع أْفْصَحْ ويا نـَجْمَ الفــَـرَحْ يا شَقيّ العَيـــنْ ياعَذْب اللسـَـانْ إسْتَـمِع واصْفـَـحْ إذا العـاشِق شَطَحْ لا تُقُولْ يا زَيــنْ عَنِّه :أُلْعُبــَـــانْ الضُّحَى ضَحْضَحْ وظَهْرُه ما اطـَّــرَحْ ضَـاق من ثِنْتَيـْنْ عَشْقِهْ ،واتـِّــزَانْ هـَـام واتْـبــَـرَّحْ تِكَتــَّـمْ وافتـــضَحْ المـُقـَلْ ذَابَيـــــنْ والمَسْتُور بــَــــانْ قَـلْـبـِه اتـْقـَـرَّحْ صَوابِهْ طــَار صَـحْ والنِّهَـــايهْ فَيــن يا سِيدْ الحِسَــانْ والسـَّــــلا رَوَّحْ وحُلْمِه ما اتَّضَــحْ حَـالَةْ العامَيــــنْ هـَـلْ تِبْقَى زَمـانْ حَبـَّـكْ اتـفَتـَّـحْ فُؤادِه وانشَـــــرَحْ لا مُرادِه شَيـــــنْ ولا قَلبَكْ جَبــَانْ لــو رآك يِـمْرَحْ ويِنْسى ما سـَــفَحْ من دُمُـوع العَيــنْ في ظِلّ الهَــــوانْ ضَحْكَتَكْ تِمْسَحْ شُجُونِهْ والضَّبــَـحْ غايَتِــهْ أَمْرَيــــنْ حُبَّكْ ،والحَنـانْ آآه.. كَمْ لـَــوَّحْ ولَمَّحْ وانذَبـَـــــحْ شَيّ مِنْ حَرْفَيــنْ كَمْ ذَلِّهْ وهـَــانْ قال:أْنا شَــقْرَحْ وقال القلب:صَـحْ الحِسَان يِـِدَّيـــنْ أَلـْــوان الجِنـَانْ والغَرَامْ لو صَــحْ في قَلْبـَــكْ فَتـَــحْ دار لِلـْـقَلبَـيــــنْ في أَحْلا الجِنَـانْ مَنْ عِشِقْ يِصْفَحْ وخِلَّكْ لو جـَــرَحْ بَعْدْ غَمْضَةْ عَيـنْ تِلْقى الجُرْح لانْ في الأَخِير صَرَّحْ تِحَوَّجْ وامْتـَــــلَحْ قال: أْنا يـا زَينْ أْحِبَّكْ مِنْ زَمَـانْ حِبْ لو تِسْمَـحْ قـَـدْ الهَمّ اطــَّرَحْ أَثـْـقَلَ الكَتْـفَيــنْ واحْتـَــلّ المَكانْ خَـلَّنـَـا نـِــمْرَحْ وقُل لِلهَجْر : بـَحْ يا زمـــان البَيـنْ لا عَادَكْ زَمـَـانْ *** عَبْدِ الْكَرِيْمِ مُحَمَّد عَجْلانْ [email protected]
