كلمة حبيبتى ماهيش كافية علشان تقول اللى ف بالى
دنيا الهوا دى واسعة ودافية هيه اللى توصف احوالى
****
لو قالوا "قيس" انا مش راضى وجنونه ايه جنب جنونى
لو عرفوا حبك م الماضى هينسوا" قيس "ولا ينسونى
بيموت فى "ليلى" وايه يعنى ما انا مت فيكى مليون مرة
ولو هواكى يودعنى هاموت ودى ........ اخر مرة
****
وايه يكون "عنتر" فى الحب شجاعتى فاقت عضلاته
ياما اترميت بسهام فى القلب وسهمك انتى فى دقاته
****
"انطونيو" ايه "كليوباترا" مين ده ما يسمعوش عنى وعنك
"كليوباترا" لو كانت ملكة جمالها مش غنوة فى فنك
****
خليكى عارفة ان انتى وبس انتى الامل وانتى الماضى
وانتى حياتى اللى بتتحس والكون ده من غيرك فاضى
