رايح ازوره وفاكر صورته .... قلت أهي وعكه لكنه شديد
والله لقيت واحد ما عرفته .... قلت هيرجع تاني أكيد
لكن باين اني حسدته .... علشان هو مكنش سعيد
.........
ايوه انا فاكر صورته زمان .... قلت ده هو .. لأ مش هو
كان واحد من ناس جدعان .... لكن راحت فين القوه
..........
قاللي يا صاحبي الصحه دي راحت
قاللي يا صاحبي الضحكه دي ماتت
قاللي يا صاحبي أيامنا دي فاتت
والله ساعتها أنا حالي اتغير
فجأه لقتني غريب متحير
حتي لساني لقيته اتسمر
............
أيوه ده خالد جوه فقلبي ..... علشان أصله كان فرعون
أيوه افديه وبروحي ودمي ..... عاشقه بجد وعشق جنون
تعليق:
اهداء الي صديقي الراحل خالد فرعون (رجل بلا شك )
