مهما نلف و مهما ندور
مهما نعدى بحور و بحور
تفضل مصر ف عز الضلمة
نخلة بتطرح بركة ونور
ما احنا ولادها و احنا عبادها
و احنا قلوب بتدوب ف ودادها
و احنا طيور و بيوتنا سماها
بنرجع ليها و بنلقاها
فارشة عيونها عشانا قصور
ساعة الفرح نشوفها معانا
و ساعة الجرح بتبقى دوانا
و ف ليالينا تكون أغانينا
و ف غربتنا المرة تجينا
فاردة جناح الحلم جسور
تفضل كلمة حق يا ولدى
قبل ما تاخد لازم تدى
أوعك تنسى ف لحظه جميلها
و انك شارب مية نيلها
مهما بعدت سنين و شهور