المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
طـــبـــــع الــــــمــــــــدن
للشاعر سعود بن سعد الحافي

هاض الخفوق وفاض قافـي وغنيـت
غنيت مـن شغـل التفاكيـر وإنتـاج

من عقب ما شفت البدو يـوم مريـت
مجلاسهم طيب ونقاء وفلـة   حجـاج

يا ليتني عايش مـع البـدو   ياليـت
ولا عشت في ديرة هل الضج و إزعاج

لامن طرى للفكـر طـاري   تمشيـت
أطلق عنان الرجل مـع كـل منهـاج

أمشي وأسج بخاطـري يـوم عديـت
بين الفياض الناظـره طـب وعـلاج

ولاجاء العصر جبت الدلال وتقهويـت
فوق الطعوس اللي لها البال   محتـاج

والفجر لا نـادى المنـادي وصليـت
القا الجماعة وإقصراء البيـت أفـواج

وعقب الفرايـض للمعازيـم   ناديـت
في مروبع العمدان والصبـح   فجـاج

وصفر الـدلال إتعـد والنـار شبيـت
وأسمع رنين النجـر والنـار وهـاج

ودارت سواليفن علـى مـا   تمنيـت
والعود الازرق عاثي وجالـه عجـاج

مليت أنا من زحمـت المـدن مليـت
مليت من روتيـن لاهيـن و إحـراج

الكل يدبك كل ما أصبحـت وأمسيـت
منطوقهم مشغـول ومزحـوم الادراج

ما كني بوسط العـرب لـو تهقويـت
كني غريب مطـوق بسـور وسيـاج

الوضع مزري ومن سبايبـه عانيـت
حالي إ نبرا وأرجي من الله   الافـراج

طبع الدن شايك وانا طبـت وأزريـت
بأ قضي أوقاتي مـع الليـل بسـراج

من لامني وأعلن بيانـه مـن البيـت
أقـول بيتـك مرصـد بكـم   مـزلاج

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد