رسالة الى أحمد فؤاد نجم
 
أستاذى العزيز الفاجومى
النجم الوحيد بين نجومى
اللى نوره مينطفيش
برغم انك ما تعرفنيش
و حظى جايز ما يخدمنيش
و اتشرف فى يوم بيك
لكن ليه ما تسألنيش
كل حرف بتكتبه بيهزنى
و يشدنى بصحيح ليك
مش نفاق أو رياء
او كلام او السلام
لما اقولك ان قلمك
ويا صوت الشيخ امام
علمنى أيه معنى الحياه
و ازاى أحس
بالغلابه المطحونين
علمنى اقول الف لا
فى وش كل الجبارين
علمنى اكون بميت لسان
لما اعيش ما بين حيتان
من غير ما احس بأى خوف
أو أكون انسان جبان
علمنى كل شئ جميل
و ازاى أخطى المستحيل
و ان ضى الفجر جاى
مهما ليل الظلم طال
ف النهاية بدعى ربى
كل كلمه قولتها لنا
تبقى رايه ف ايد ولادنا
يمشوا بيها للأمام
و السلام مسك الختام