اسكندرانى
اسكندرانى ومعجبانى
و البحر عشقى و هوايا
و اسكندرية محوطانى
منين ما اروح بتكون معايا
وكل سكة مشيتها فيها
نبض قلبى مش ناسيها
من البداية للنهاية
أحلى قسمة و مقسومالى
ما تفارقش فى يوم خيالى
لما بشعر أى يوم
انى غارق فى الهموم
طيفها بس يكون دوايا
لما ببعد عنها مرة
ببقى عايش غربة مرة
و ما برجع تانى ليها
ويا شوقى بلتقيها
بسمة باقية ليوم لقايا
هى أجمل ذكرياتى
و اللى باقى من حياتى
فيها أول حب عشته
و ف بحورها السحر شفته
موج بينده ع الصبايا
اسكندرانى