المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
الدرس انتهى لموا الكراريس
للشاعر صلاح جاهين

الدرس انتهى لموا الكراريس


بالدم اللى على ورقهم سـال


فى قصـر الأمم المتــحدة


مسـابقة لرسـوم الأطـفال


ايه رأيك فى البقع الحمـرا


يا ضمير العالم يا عزيزى


دى لطفـلة مصرية وسمرا


كانت من أشـطر تلاميذى


دمها راسم زهرة


راسم رايـة ثورة


راسم وجه مؤامرة


راسم خلق جباره


راسم نـار


راسم عار


ع الصهيونية والاستعمار


والدنيا اللى عليهم صابرة


وساكته على فعل الأباليس


الدرس انتـهى


لموا الكراريس ..







ايه رأى رجـال الفكر الحر


فى الفكرادى المنقوشة بالدم


من طفل فقير مولود فى المر


لكن كان حلو ضحوك الفـم


دم الطـفل الفـلاح


راسم شمس الصباح


راسم شـجرة تفاح


فى جناين الاصلاح


راسم تمساح


بألف جناح


فى دنيا مليانة بالأشبـاح


لكنـها قلـبها مرتــاح


وساكتة على فعل الأباليس


الدرس انتـهى


لموا الكراريس …







ايه رأيك يا شعب يا عربى


ايه رأيك يا شعب الأحـرار


دم الأطـفال جايلك يحـبى


يقول انتـقموا من الأشـرار


ويسيل ع الأوراق


يتهجى الأسـماء


ويطـالب الآبـاء


بالثـأر للأبـناء


ويرسم سيف


يهد الزيـف


ويلمع لمعة شمـس الصيف


فى دنيا فيها النور بقى طيف


وساكتة على فعل الأباليـس


الدرس انتهى لموا الكراريس

ما اشبه اليوم بالبارحة " وزير الامل والحب "

 

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد