المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
محاكمة قراقوش
من ديوان ابرز تنجز للشاعر على محيلبه

محاكمة قراقوش
 مسرحية من فصل واحد
 
الحاجب:
باسم الله ...  ملاعين يا أبالسه
فات من يونيو ...  يا دوبك خمسه
نسمع همسه ...  زي اللمسه
ليه وصفوها ... بكلمة نكسه
أما أبالسه
قبل ما انسى
لاجل العدل ...  فتحنا الجلسه
محكمه
القاضي :
نادي يا حاجب
من دول حاسب
اوعى تخاف
لو عنده مخالب
الحاجب :
المتهم المارد
ابن النيل الشارد
حاضر و الا هو غايب
المتهم :
حاضر أنا مش غايب
بس معايا حبايب
القاضي:
اسمك
سنك
أصلك
قولها و انت محلك
المتهم :
من غير صياح ...  من غير صريخ
أنا مش رسول ... انا مش مسيخ
أنا عمري أطول من التاريخ
القاضي مشيرا الى وكيل النيابة :
اتفضل قوم سمعنا
من غير ما تزيد أوجاعنا
النيابة :
هتك عرض ...  و فعل فاضح
في الليالي و النهار
بيع في أرض ... و خيرها طارح
خير كتير يملا الديار
ترك فرض ... و ظلم فادح
للكبار و يا الصغار
جلب قرض ...  و كلب نابح
و السمار يصبح حمار
خير يموت ...  و الشر سابح
و الصوان في كل دار
القاضي :
قول يا جسور يا جرئ
مذنب و لا برئ
المتهم :
باسم الأمه
لاجل الأمه
تزول الغمه
باسم الشعب
لاجل الشعب
ضربنا الكعب
قتلنا الصعب
لاجل ما نحيا جيل ورا جيل
لاجل ما نجمي تراب النيل
القاضي :
الدفاع يقدر يدافع
بالقانون مش بالمدافع
المحامي الأول :
أنا مش جاي أجامل
بس البيه متحامل
على المتهم الماثل
ابن الشعب الكادح
هو حبيب العامل ...  هو الفكر الشامل
يقتل فينا الخامل ... بس اختلط الحابل
على المحكمه بالنابل
القاضي :
الدفاع لازم يدافع
بالدليل و الشعب سامع
المحامي الثاني :
مين رجع عروبتنا ...  مين رفرف برايتنا
مين علا لنا الرايه ...  مين عرفنا الغايه
مين بطل الحريه ...  مين رمز الوطنيه
مين قال القوميه ...  تحتاج العربيه
ليه خلوها قضيه
القاضي :
نسمع عريضة التهام
من غير فرح
من غير آلام
النيابة :
بعد المدواله و الاطلاع
شفنا امه و خيرها ضاع
شفنا شعب و جيله ضاع
و التاريخ ترويه دموع
و المرار بين الضلوع
و الخير كتير و امير يجوع
و الظلم تنقادله الشموع
علشان يزور كل النجوع
ازاي حنحكم
أو نقول
في جريمه خاف منها المغول
القاضي :
قول يا جسور يا جرئ
مذنب و لا برئ
المتهم :
الشهود تحلف يمين
و تقول كلامها عن يقين
الشاهد الأول :
أحلف بالله ...  يوم القاه
راح أقو ل في جفاه ...  مقدرش أنساه
و أنساه ازاه
ده العمرمعاه ...  بيضيع في اساه
و العيشه معاه ... هي المأساه
الشاهد الثاني :
أحلف بالله حاتكلم
في هواه القلب اتألم
و معاه الخير اتكمم
و الشر في حضنه اتعلم
و الشعب يشوفه يبلم
مجنون
من قام يتكلم
الشاهد الثالث :
أحلف بالله يا حبايب
وياه أنا شفت عجايب
الزيف و المال السايب
ضرب المربوط و السايب
بعديها مين حيعايب
مقتول العبد التايب
مالهوش من حظنا نايب
بيعيش ويموت كده خايب
و الشاب نخليه شايب
لو ينسى يوم
و يعايب
القاضي :
سجل يا كاتب كلمتي
من قبل ما أرفع جلستي
و الرب يحفظ ملتي
ملعون يا سادد سكتي
ملعون يا سارق نعمتي
ملعون يا قاتل أمتي
ملعون
ملعون
ملعون
 

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد