أنا امى كلامها كتير ... و مناها تشوفنى وزير
و عشان تدعى لك دايما ... خلينى يا سيدى وزير
فيها أيه لو أبقى وزير ... و اعمل للحظ وزاره
و السر تمالى ف بير ... و الحاره حتبقى أماره
و اللعبه خيوطها كتير ... و الأمر لازم له شطاره
و اخوكم ف التفكير ... فنان من غير زماره
أنا جاى و كلى ضمير ... محتاج منكم لاشاره
نفسى تخلونى وزير ... انشا الله فى أى وزاره
و الرشوه حتبقى أماره ... و الكوسه حتبقى اشاره
يفهم منها الحلوين ... تفهم منها الجماهير
أنا عايز أبقى وزير
خلينى وزير تعمير ... او حتى وزير تدمير
و الامر بدون تفكير ... محتاج حبة تغيير
أو سبحه تقول يا مجير ... الفقر خلاص حيطير
و الخير على ضهر الخيل ...طاير و القلب معاه
و الفجر حيجى يا ليل ... العين بتقول وياه
خلينى وزير تعمير ... أو حتى وزير ترميم
و أنا اعمر .. .. مليون كرسى
و الصحرا بشوقها إلينا ... نرويها بدمع عنينا
من بكره حتبقى جنينه ... علشان احفادنا يا نيته
بس تخلينى وزير ... انشالله ف اى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
خلينى وزير اسكان ... و انا ابنى قصر وخان
و حناخد م الاعيان ... لاجل عيون الخلان
و حنينى وزير اسكان ... و انا ابنى قصر و خان
و حناخد م الاعيان ... لاجل عيون الخلان
و حنبنى ف كل مكان ... احلام فوق الاحلام
بس بلاش التمليك ... و بلاش برضه التأجير
و بلاش ويايا شريك ... خلونى لوحدى وزير
و عماير بالتمليك ... تنهار على كل فقير
و الامر بدون تشكيك ... محتاج عطفك يا أمير
أو رخصه و تاخد شيك ... أو فعل مالوش تبرير
بس تخلونى وزير ... انشالله ف اى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
انا عايز أبقى وزير
خلونى وزير المال ... و الأشيه حتمشى و عال
حنرشد كل مجال ... حتى طيران العال
و حأقول اجمل ... و أغنى مع متقال
و أنام مرتاح البال
دى البركه فى أخى آمال ... و البركه فى ابويا جمال
و البركه فى راحة البال
بس تخلينى وزير ... انشالله ف ى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز ابقى وزير
خلونى وزير تصنيع ... و بلاش شغل الترقيع
و أنا اصنع بيضه و فرخه.. و أبطل أضرب لبخه
من غير عنطزه و لا نفخه
و حنبنى قلاع على النيل ... لاجل عيونك يا جميل
نصنع ابره و كبريت ... و مصانع للديناميت
تنفعنا ف يوم الجرد ... من غير ما ندبس حد
خلينا نعيش ف الجد ... و الجزر لازم له المد
و بلاش تعمل حباك ... لاهرب لك م الشباك
بس تخلينى وزير ... انشالله ف اى وزاره
و الرشوه حتبقى اماره ... و الكوسه حتبقى اماره
يفهم منها الحلويين ... تفهم منها الجماهير
أنا عايز أبقى وزير
خلينى وزير العدل ... و أنا اعدل بين الناس
و اعدلى دماغى بكاس ... دا ميزانى ماهوش حساس
خلينى وزير العدل ... و انا امسك ايها ندل
أو مجرم من غير عقل ... و اعاقب حتى البغل
لو شفته يعدى البحر ... يخرج لى و لا يتبل
و اغير اى قانون ... يقول ان المجنون
محتاج من قلبى العفو
و اشرع بر و جو ... علشان الناس السو
و حنحكى ليه و نلك ؟
يا نحل .. .. يا أما نفك
نستأنف ليه ما نسك ... اوعى تخلينى اشك
و الحكم خلاص ف البك
بس تخلينى وزير ... انشالله ف اى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
خلينى وزير تموين ... و انا امشى معاك بالعكس
بس انت اعدل لى الآكس
حاملا الجمعية حاجات
كافيار و مربة عدس
و البورى و البكالاه ... و قماش زى الشمواه
وكليم زى الشنواه ... مش عايز تانى عراه
خلينى اقول الآه ... تسمعها تقول الله
ليه عقلك يهرب منى ... و انا عقلى بيمشى وراه
محتاج لك فى التفكير ... تحتاج لى ف التزوير
بس تخلينى وزير ... انشالله ف اى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
خلينى وزير اعلام ... املالكوا الدنيا كلام
و ابنى لكوا من الالهام ... اهرام فوق الاوهام
مش حازعل يوم و اتغم ... ف وزارتى نسيت الهم
عايزنى ليه اتلم ... و كمان الناس تتلم
و تبطل همس و نم
بجرايد و مجلات
املاها بمشاغبات
لاجل عيون الجماهير ... ترتاح و بلاش تفكير
شريهان من بعد سمير ... و البركه ف الفوازير
بس تخلينى وزير ... انشالله ف اى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
خلونى وزير عمال ... و انا اغير حال من حال
و اخلى العز تلال
و اخلى القاف و العين ... ف القلب وجوه العين
علشان الناس الزين ... من غيرها تروح على فين
و آدى ايدى .. .. و آدى كتافى
دا الغش معاك مش كافى
علشانك اعيش اسكافى
و المع رجل الحافى
بس تخلينى وزير ... انشالله ف اى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
خلينى وزير تعليم
و انا اعلم اى بهيم
و البت و ست البيت
و البغل كمان ف الغيط
ادينى بداية الخيط
اديك انا ما اتمنيت
أنا افبرك الف روايه
و نألف الف حكايه
و اتمنى و انت معايا
انا اخدت العلم هوايه
و نظام مالهوش تطوير
لاجل عيون التلاميذ
بس تخلينى وزير ... انشالله فى اى وزاره
و الرشوه حتبقى اماره ... والكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
خلينى وزير النقل ... و انا اجى لك بالحنطور
و اعمل اتوبيس بنور ... و المترو يلف يدور
نفسه اثبت له الخط
انا خايف يوم اتلط
بيقولوا عليا غلطت
انزل من فوق و انحط
تليفونى ليه بيقول ... أنا بيك مشغول على طول
لك عندى كام برقيه ... مكتوبه بزيت الفول
فيها ايه لو اخدت هديه
كام قرش .. .. و كام عربيه
انا واخد شغلتى غيه ... و باعالج ف الطوابير
بس تخلينى وزير ... انشالله ف اى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
خلينى وزير بترول ... و انا ابقى قد القول
يطلع بترول من قلبى ........... و يجيب الخير لحبايبى
مقدرش ادارى و اخبى ... و العقد اهو نايم جنبى
و عمولتى ف بلاد بره
تنفع ايامى السمرا
و ليالى الزهد الحمرا
من غير بترول و لا خمره
راح اسافر و اعمل عمره
بس تخلينى وزير ... انشالله ف اى وزاره
و الرشوه هتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
خلينى وزير فلاح ... ازرع كوسه و تفاح
علشان الشعب الكادح ...محتاج اليوم يرتاح
نفسى ازرع حب و أقلع
و أغنى معاكوا و أسمع
هتافات الشعب المجدع
ليه بس اللون الاخضر ... مالها بقية الالوان
ليه نزرع كوسه و عدس ... مالها زراعة الاشجان
و ازرع لك زيت شلجوم
لو يوم مس البلعوم
يا عنيا يا عيب الشوم
الحلو ينام ما يقوم
بس تخلينى وزير ... انشالله ف اى وزاره
و الرشوه حتبقى اماره ... و الكوسه حتبقى اشاره
يفهم منها الحلويين ... تفهم منها الجماهير
أنا عايز أبقى وزير
مش عايز اكون بكاش ... مش عايز اكون غشاش
ف وزاره ما تتسماش
و عشان حب الجماهير ... و هتاف ياما و تصفير
مش عايز أبقى وزير
راح افوت البيت و الحاره ... بالطبله و بالزماره
و اعبى فلوسى ف شكار ... و اركب اول طياره
